Mogan Princess & Beach Club er gott 4ra stjörnu hótel staðsett uppi í hlíðum Taurito, sem er lítill dalur við fallega strönd. Hótelið hentar vel fjölskyldufólki og ungum pörum. Fallegt útsýni er úr sundlaugagarðinum yfir hafið og kvöldskemmtun í boði öll kvöld. Rúta fer einu sinni á dag frá hótelinu yfir til Puerto de Mogan og reglulega yfir daginn niður á ströndina.
GISTING
Tvíbýlin eru smekklega innréttuð, einföld og snyrtileg flest með fallegt útsýni yfir hafið eða dalinn. Þau eru loftkæld og þar er að finna svalir eða verönd, baðherbergi með hárþurrku og sjónvarp. Fjölskylduherbergin og Junior svíturnar eru stærri ásamt því að Junior svíturnar eru nýlega uppgerðar með aðskildri stofu og svefnherbergi. Herbergin eru þrifin daglega og skipt er á rúmum tvisvar í viku.
AÐSTAÐA
Hótelið er smekklega innréttað uppi í fjöllunum við Taurito dalinn. Garðurinn er einfaldur með fallegu útsýni yfir hafið. Þar er að finna stóra sundlaug, barnalaug og góða sólbaðsaðstöðu. Í efri garði hótelsins er „slökunar svæði“ einungis ætlað fullorðnum. Hótelið er einnig með séraðstöðu við ströndina.
AFÞREYING
Öll kvöld er í boði kvöldskemmtun fyrir alla fjölskylduna.
VEITINGAR
Í boði er svokallað „allt innifalið“ en þá geta gestir snætt morgun-, hádegis- og kvöldverð á hótelinu ásamt innlendum drykkjum og snarli milli mála.
FYRIR BÖRNIN
Í garðinum er barnalaug og á hótelinu er starfræktur barnaklúbbur.
STAÐSETNING
Hótelið er staðsett í fjöllunum fyrir ofan Taurito dalinn og er þaðan dásamlegt útsýni yfir hafið. Taurito er lítill dalur við fallega vík sem er í raun algjör ferðamannaparadís fyrir börn og fullorðna. Um það bil átta hótel eru staðsett í dalnum og fjöllunum í kring. Í dalsmynninu er að finna vatnsrennibrautagarð, mini-golf, tennis, bowling ásamt útisviði með skemmtun öll kvöld og lifandi tónlist. Við ströndina er hægt að stunda ýmsar sjóíþróttir og fara í köfunarskóla. Þar er einnig að finna verslanir og veitingastaði. Rútur ganga frá hótelinu allan daginn niður á strönd og einu sinni á dag yfir til Puerto de Mogan.
Upplýsingar
C/ Albaicin 17, Urb. Taurito 35138 Mogán, Gran Canaria
Kort
