Benidorm: líf og fjör alla daga
Benidorm er við Costa Blanca strandlengjuna - flogið er til Alicante flugvallar.
Draumkenndar strendur Benidorm hafa um árabil lokkað til sín sólþyrsta Íslendinga. Svæðið iðar af lífi með sínum hvítu ströndum, glæsilegu háhýsum og fjölbreyttu matarmenningu. Á Benidorm verður fjölskyldan svo sannarlega ekki svikin um draumafríið enda er um að ræða einn þaulreyndasta áfangastað Evrópubúa. Líflegar strendur, dýragarðar, skemmtigarðar, barir ásamt gífurlegum fjölda veitingastaða og kráa. Allt þetta er að finna á Benidorm.
COSTA BLANCA SVÆÐIÐ
- Albír
- Alicante
- Altea
- Benidorm
- Calpe
- Flogið til Alicante (ALC)
- Flugtími +/-4 klst.
- Akstur til Benidorm 30 mín.
- Tungumál: Spænska
- Gjaldmiðill: Evra
- Sumarhiti: 28+°C
- Vetrarhiti: 16+°C
- Milt og gott vor og haust
- Tími: +2 sumar +1 vetur
- Landkóði: +34
Hvítar strendur við Miðjarðarhafið
Þeir sem hafa komið til Benidorm skilja af hverju staðurinn hefur verið einn vinsælasti sumarleyfisstaður Evrópubúa í næstum hundrað ár. Þar er nefnilega hægt að finna allt sem hugurinn girnist og líkaminn þarfnast, eða þarfnast ekki. Á aðra höndina kyssir Miðjarðarhafið tært og óendanlegt, hvítar strendur og á hina rísa kraftmiklir fjallgarðar. Strendur Benidorm bjóða svo bæði upp á letilíf á sólbekk með ölkrús við hönd og fjöruga afþreyingu í sjónum. Krakkarnir njóta sín á hlaupum í mjúkum sandinum og foreldrar hlaða batteríin í sólinni.
Allir finna sitt á Benidorm
Börnin elska Benidorm. Enda hefur staðurinn næstum því hundrað ára reynslu af því að skemmta ferðalöngum á öllum aldri. Dýragarðinn Terra Natura ætti enginn að láta fram hjá sér fara, þar er að finna öll dýr frumskógarins. Munið bara eftir sólarvörninni, því á Benidorm er sól nær allan ársins hring.
Heimsókn í náttúrulífsgarðinn Mundomar gleymir enginn. Garðurinn var stofnaður árið 1996 og er heimili yfir þrjátíu dýrategunda. Terra mitica er svo einn frægasti skemmtigarður heims. Garðurinn er mikil ævintýraveröld þar sem hægt er að kynnast sögu Grikklands, Egyptalands, Rómar og fleiri menningarsvæða og fara í ótal skemmtileg tæki.
Aqualandia er stór vatnsrennibrautargarður þar sem bæði krakkar og fullorðnir skemmta sér konunglega í vatnsrennibrautum og sundlaugum. Þetta er einungis lítið brot af þeirri fjölbreyttu skemmtun sem er í boði fyrir alla aldurshópa á Benidorm.
Á ströndinni er ýmislegt hægt að finna sér til dundurs. Þar er hægt að fara á Jetsky fyrir lítinn pening, leigja hjólabáta eða svamla í heitum sjónum. Á Benidorm er líka einstaklega gaman að leigja hjól. Það kostar hvorki mikinn pening né fyrirhöfn heldur eru nokkrar hjólaleigur staðsettar meðfram strandlengjunni. Öll fjölskyldan getur leigt hjól og hjólað meðfram sjónum í hlýrri sólinni.
Næturlíf Benidorm er fyrir löngu orðið þekkt út fyrir landssteinana. Ballið byrjar rétt eftir miðnætti á flestum næturklúbbunum og er dansað fram undir morgun.
Spænskur draumur í fjöllunum
Þrátt fyrir að borgin hafi verið áfangstaður sólþyrstra ferðamanna um árabil, þarf ekki að leita langt til þess að komast í ekta spænsk þorp í fjöllunum. Einungis stuttur akstur er frá iðandi borginni í lítil fjallaþorp þar sem gaman er að eyða degi eða tveimur, ganga um, sötra öl og njóta þess besta sem Spánn hefur upp á að bjóða.
Þá getur líka verið gaman að heimsækja þorpin að kvöldlagi og kynnast mannlífinu þegar fer að rökkva. Ótal lítil þorp er gaman að heimsækja en við mælum sérstaklega með þessum þorpum:
Albír & Altea
Öll fjölskyldan tekur ástfóstri við hinn einstaka spænska bæ, Albir. Aðdráttarafl hans er einstakt og fegurð staðarins og sólbakað andrúmsloft heilla þá sem vilja eiga friðsælar stundir í fríinu. Í þessum vinalega bæ er að finna lítil notaleg kaffihús, veitingastaði með góðum mat, líflegar krár og verslanir.
Steinsnar frá Albír bíður Altea sem stundum er kallað hið kyrrláta athvarf listamanna. Þar eru þröngar götur og fyrsta flokks veitingastaðir sem seiða til sín ferðalanga í leit að sönnum spænskum anda. Í Altea er tilvalið að setjast niður og njóta, borða ekta spænskt tapas og kannski fá sér eins og eina Sangriu.
Frá gamla bænum í Benidorm er einungis 25 mínútna akstur til Albir. Einnig ganga strætisvagnar til Benidorm og Altea.
Gistingar á Costa Blanca svæðinu
Barcelo Asia Gardens hotel & SPA er glæsilegt 5* lúxushótel staðsett upp í furupríddum Sierra Cortina hlíðunum með stórkostlegu útsýni yfir Costa Blanca. Hótelið býður upp á fjöldann allan af sundlaugum, SPA með líkamsræktaraðstöðu, innilaug og heitum potti. 4 góðir veitingarstaðir eru á hótelinu.
Gran Hótel Bali er 4ra stjörnu hótel á Costa Blanca ströndinni á Benidorm. Herbergin eru með tveimur stórum rúmum, auk sófa sem nýtist vel sem viðbótar gisting fyrir börn eða unglinga. Gran Hótel Bali leggur mikið upp úr afþreyingu fyrir alla aldurshópa.
Hótel Kaktus er mjög gott 4ra stjörnu hótel. Hótelið var opnað í júní 2003 og er á besta stað í Albir, alveg á ströndinni með miðbæ Albir og listamannabæinn Altea í seilingarfjarlægð. Fallegur garður með sundlaug og sólbaðsaðstöðu. Á þaki hótelsins er einnig sundlaug og sólbaðsaðstaða.
RH Ifach er 4ra stjörnu hótel á frábærum stað í Calpe . Hótelið er um 100 metra frá ströndinni. Krakkaklúbbur, leikvöllur, skemmtidagskrá og fleira. Njóttu vel á Calpe.
Albir Playa er 4ra stjörnu hótel staðsett í Albir ca 1 km frá fallegri ströndinni í Albir og aðeins nokkra kílómetra frá Benidorm og Altea. Glæsileg heilsulind og í gróðursælum garðinum er stór sundlaug og ljómandi aðstaða til sólbaða.
Hotel Madeira Centro er gott 4ra stjörnu hótel staðsett á besta stað við gamla bæinn á Benidorm og í um 5 mínútur frá Levante ströndinni. Falleg og góð gisting í hjarta Benidorm. Öll herbergin eru snyrtileg og með loftkælingu, minibar og öryggishólfi.
Sandos Benidorm Suites er 4ra stjörnu gisting, staðsett í miðborg Benidorm. Gistingin býður upp á 200 rúmgóðar íbúðir og í garðinum er sundlaug ásamt sólbaðsaðstöðu. Á sumrin er góð barna- og skemmtidagskrá
Hotel Sandos Monaco er mjög gott 4ra stjörnu hótel staðsett u.þ.b. 450 metra frá Levante ströndinni nálægt gamla bænum á Benidorm. Góður garður og sólbaðsaðstaða.Mikil og fjölbreytt skemmtidagskrá er á hótelinu. Hótelið er eingöngu fyrir 16 ára og eldri.
Hótel Rosamar er 4ra stjörnu fjölskylduvænt hótel á Benidorm, staðsett í um 10 min göngufjarlægð frá ströndinni. Á hótelinu er ALLT INNIFALIÐ, vatnsrennibrautagarður í hótelgarðinum, rúmgóð herbergi og allt sem þarf til þess að gera fríið sem best.
Gran Hótel Sol y Mar Gran Spa Beach Club er fallegt 4ra stjörnu hótel staðsett við ströndina í Calpe. Hótelið og herbergin eru hönnuð í nútímalegum stíl. Hótelið er eingöngu fyrir 18 ára og eldri.
Hótel Sun Palace Albir er gott 4ra stjörnu hótel staðsett u.þ.b. 1 km., frá ströndinni í Albir og rétt við Serra Celada þjóðgarðinn. Glæsilegt útsýni er frá hótelinu yfir bæinn og út á strönd. Flott heilsurækt er á hótelinu og sundlaug.
Hótel Mediterraneo er mjög gott 4ra stjörnu hótel staðsett í 900 m fjarlægð frá Levante ströndinni. Glæsilegur garður með stórum sundlaugum og mjög góðri sólbaðsaðstöðu. Barnasundlaug og leikvöllur ásamt dagskrá fyrir hressa krakka.
Hótel Melia Benidorm er gott 4ra stjörnu hótel staðsett í Rincon de Loix svæðinu á Benidorm, um 900 metra frá Levante ströndinni. Vel útbúin herbergi sem öll snúa út að sundlaugargarðinum. Fjölbreytt skemmtidagskrá er á hótelinu og fjöldi veitingastaða, bara og verslana eru í næsta nágrenni.
Melia Villaitana er golfhótel staðsett 4 km frá Benidorm. Glæsilega aðstaða, tveir golfvellir sem henta kylfingum í öllum gæðaflokkum. Stærðarinnar sundlaug, góð sólbaðsaðstaða og allt til alls.
Hótel Medplaya Agir er ágætt 4ra stjörnu hótel vel staðsett um 100 m frá Levante ströndinni. Um 10 mín gangur er í gamla miðbæinn í Benidorm. Á hótelinu er heilsulind ásamt líkamsræktarsal. Hótelið er eingöngu fyrir 18 ára og eldri.
Flamingo Beach Resort er 4ja stjörnu gisting staðsett í 10 mínútna göngufjarlægð frá Levante ströndinni. Nóg um að vera og góður sundlaugagarður. Hótelið er eingöngu fyrir 15 ára og eldri.
Hótel Avenida er snyrtilegt 4ra stjörnu hótel stutt frá Levante ströndinni. Fimm mínútna gangur niður á strönd en í garðinum má einnig finna útisundlaug og sólbekki.
Hótel Cap Negret er 4ra stjörnu hótel staðsett við ströndinna í um 800 metra fjarlægð frá bænum Altea. Á hótelinu er útisundlaug, sólbaðsaðstaða og fallegt útsýni yfir ströndina er úr garðinum.
Hótel Benidorm Centre er 4ra stjörnu hótel staðsett í hjarta Benidorm og stutt í allt það helsta. Einungis 200 metrar á Levante ströndina. Hótelið er aðeins fyrir 18 ára og eldri.
Sunconfort Aqua Azul nýlega uppgert 4ra stjörnu hótel og eitt vinsælasta hótelið í Benidorm vegna staðsetningar og góðrar þjónustu. Hótelið er aðeins 400 metrum frá strönd og örstutt frá gamla bænum. Frábær valkostur og eingöngu fyrir fullorðna. Hótel er eingöngu fyrir 16 ára og eldri.
Flash Hótel er góð 4ra stjörnu gisting á besta stað á Benidorm í um 5 mínútna göngufjarlægð frá ströndinni og 15-20 mínútna ganga í gamla bæninn. Nútímaleg og vel útbúin herbergi eru á hótelinu. Þetta hótel er eingöngu fyrir 18 ára og eldri.
Hótel Helios Benidorm er 4ja stjörnu hótel staðsett um það bil 410 metrum frá Levante ströndinni og stutt frá lífinu á Benidorm. Hótelið var tekið í gegn 2017-2018 og eru herbergin einföld og rúmgóð. Hægt er að velja um hálft fæði eða fullt fæði.
Hótel Los Alamos er góð 4ra stjörnu hótelgisting staðsett á frábærum stað á Benidorm. Stutt í gamla bæinn og á ströndina. Góð og snyrtileg herbergi eru á hótelinu, búin helstu þægindum eins og sjónvarpi, öryggishólfi og síma. Snyrtileg baðherbergi og svalir á öllum herbergjum.
Suitopia Sol Y Mar Suites er fínt 4* hótel í Calpe. Hótelið er staðsett á miðjusvæði Calpe og örstutt á ströndina. Gott fjölskylduhótel með leiksvæði fyrir börnin.
Les Dunes Comodoro er 4ra stjörnu hótel staðsett á Levante ströndinni á Benidorm. Frá hótelinu er stutt í það allra helsta, t.d. bari og verslanir. Næsti golfvöllur er í um 10 min akstursfjarlægð.
Hótel Port Alicante er 4ra stjörnu hótel, staðsett um 600 m frá ströndinni og um 5 km frá miðbæ Alicante. Fín sólbaðsaðstaða, sundlaug, vel útbúin herbergi, veitingastaður og kaffihús eru á hótelinu.
Casa Alberola Alicante Curio Collection by Hilton er 4 stjörnu hótel, mjög vel staðsett, nálægt smábátahöfninni í Alicante og Eslandade of Spain og Canalejas Park. Santa Barbara kastalinn í 2ja km fjarlægð
Hotel Bristol er smekkleg og góð 4 stjörnu gisting staðsett aðeins 150 m frá næstu strönd. Gististaðurinn hefur m.a. veitingastað, bar, góðan garð með sundlaug og sólbaðsaðstöðu svo eitthvað má nefna. Njóttu vel í sólinni á Alicante.
Innside by Melia Costablanca, áður Hotel Sol Costablanca, er fallegt 4 stjörnu hótel, staðsett nánast við Levante ströndina í miðbæ Benidorm. Útisundlaug og loftkæling er á hótelinu. Hótelið er aðeins fyrir 16 ára og eldri.
Mercure Benidorm er 4ra stjörnu hótel staðsett rétt við Poniente ströndina og stutt frá gamla bænum.
Hotel Primavera Park er 4 stjörnu hótel staðsett á Benidorm, Spáni. Hótelið er staðsett í aðeins 450 m fjarlægð frá Levante ströndinni. 2 sundlaugar og góð sólbaðsaðstaða bjóða gesti velkomna til að njóta slökunar og veðurs á Benidorm.
AR Diamante Beach Spa er smekklegt og gott 4 stjörnu hótel staðsett aðeins 250 m frá Playa la Fossa Levante strönd. Heilsulind, veitingastaður, bar og fleira veita gestum góða dvöl á Calpe.
Pierre & Vacances Bahia Calpe er smekklegt og gott 4 stjörnu hótel staðsett aðeins 50 m frá Arenal Bol strönd. Gististaðurinn hefur m.a. veitingastað, bar, glæsilega sundlaug og sólbaðsaðstöðu. Njóttu vel í sólinni á Calpe.
Hotel Alicante Gran Sol er smekkleg 4 stjörnu gisting staðsett aðeins 350 m frá næstu strönd. Gististaðurinn hefur m.a. veitingastað og bar. Njóttu vel í sólinni á Alicante.
Barcelo Benidorm Beach er flott 4 stjörnu hótel aðeins ætlar 18 ára og eldri, staðsett 40 m frá Levante strönd. Hótelið hefur flotta sundlaug á þakinu, 2 veitingastaði, líkamsrækt og bar. Njóttu vel á Benidorm.
Milords Suites íbúðargistingin er einstaklega vel staðsett í hjarta gamla bæjarins á Benidorm. Íbúðargistingin er ein af örfáum gistingum sem nær að sameina óviðjafanlega stemmingu gamla bæjarhluta Benidorm og það að vera nánast á ströndinni.
Hótel Oasis Plaza er vel staðsett 3ja stjörnu hótel í gamla bænum á Benidorm, rétt fyrir ofan Poniente ströndina í Marina Baja hverfinu um 350 m frá Ponienteströndinni. Á hótelinu er bar og veitingastaður.
Gala Palacida er einfalt, huggulegt og nýlega uppgert 3 stjörnu hótel rétt við Levante ströndina. Notalegur sundlaugagarður með ágætis sólbaðsaðstöðu.
Hótel Dynastic er gott 3ja stjörnu hótel staðsett u.þ.b. 500 metra frá Levante ströndinni á Rincón de Loix svæðinu. Fjöldi veitingahúsa, skemmtistaða og verslana eru í næsta nágrenni.
Albir Garden Resort er staðsett á fallegu svæði í miðbæ Albír. Aqua garden Park sundlaugargarðurinn er rétt hjá hótelinu og frír aðgangur fyrir hótelgesti.
Sol Pelicanos er staðsett á fínum stað á Levante ströndinni í Rincon de Loix hverfinu aðeins 300 metra frá ströndinni.
Prince Park er 3ja stjörnu hótel staðsett í um 800 metrum frá gamla bænum á Benidorm. Snyrtileg og björt herbergi og góður garður með sólbaðsaðstöðu og útisundlaug. Á hótelinu er veitingastaður með hlaðborð og bar.
Medplaya Regente er gott 3 stjörnu hótel miðsvæðis á Benidorm. Stutt er á Levante ströndina. Í garðinum er góð sundlaug og sólbaðsaðstaða fyrir gesti. Frábær kostur í sólinni á Benidorm.
Roca Esmeralda er gott 3ja stjörnu hótel staðsett í um 2ja mínútna göngufjarlægð frá dásamlegri ströndinni í Calpe. Herbergi hótelsins eru einföld, en snyrtileg, búin öllum helstu þægindum til þess að gera dvölina sem notalegasta. Í garðinum er tvískipt sundlaug og nóg er um að vera fyrir alla.
Mont Park hótelið er einföld 3 stjörnu gisting staðsett við enda Levante strandarinnar. Stuttur gangur er á ströndina. Ekki mikið um að vera fyrir börn - en stutt er á ströndina eða um 150 metrar.
Hótel Poseidon Resort er prýðilegt 3ja stjörnu hótel staðsett rétt við Levante ströndina. Það er auðvelt að njóta sín hvort sem það er á ströndinni, í sundlaugunum tveimur sem eru í garðinum eða bara í garðinum sjálfum.
Poseidon Playa er einföld 3ja stjörnu gisting sem er í göngufæri við ströndina. Öll herbergin snúa að Miðjarðarhafinu, svo hægt er að fara í sólbað á svölunum, við sundlaugina eða á ströndinni.
Á hótelinu er m.a. hlaðborðsveitingastaður, bar, skemmtidagskrá og barnaklúbbur.
Medplaya Hotel Riudor er gott 4 stjörnu hótel staðsett aðeins 200 m frá Levante strönd.Sundlaug, veitingastaður, bar og skemmtidagskrá veita gestum góða dvöl á Benidorm. Aðeins 18 ára og eldri.
Paraiso Centro er snyrtilegt, einfalt og mjög vel staðsett íbúðagisting stutt frá gamla bænum í Benidorm. Einfaldar, snyrtilegar og rúmgóðar íbúðir með einu eða tveimur svefnherbergjum, eldhúsi, baði, stofu og svölum sem snúa út í garð. Stutt er í alla þjónustu, t.d. matvörumarkaðinn Mercadona, banka og verslanir.
Apartmentos Halley er gott íbúðahótel staðsett á Benidorm. Hótelið er 17 hæðir og eru 4 íbúðir á hverri hæð, 2 lyftur. Garður er fyrir framan húsið með 2 sundlaugum og sólbaðsaðstöðu.
Buenos Aires er 2ja stjörnu íbúðagisting á Benidorm staðsett í um 10 -15 min göngu fjarlægð frá Levante ströndinni. Fínn valkostur fyrir fjölskyldur, íbúðir með tveimur svefnherbergjum.
Maryciel er gott 2 stjörnu íbúðarhótel staðsett á Benidorm. Hótelið er vel staðsett og situr í aðeins 250 m frá Levante strönd. Sundlaug og góð sólbaðsaðstaða eru á gististaðnum fyrir gesti.
El Faro Apartments er notalegt 2 stjörnu íbúðarhótel aðeins 100 m frá Poniente ströndinni. Sundlaug, sólbaðsaðstaða, bar og líkamsrækt eru m.a. á hótelinu. Njóttu vel á Benidorm.
