Gran Canaria: staður fyrir alla í fjölskyldunni

Gran Canaria er þriðja stærsta eyjan í Kanarí-eyjaklasanum og hefur um áratugaskeið verið langvinsælasti áfangastaður sólþyrstra Íslendinga. Sumarferðir bjóða upp á fjölbreytta þjónustu og gistimöguleika á Kanarí þannig að allir ættu að finna eitthvað við sitt hæfi á verði við hæfi.

Kanarí er best fyrir:

Einstakar fallegar strendur
Hagstætt verðlag
Fjölbreytta gistimöguleika
Fjölskylduvænt umhverfi

Flogið til Las Palmas (LPA)
Flugtími +/-5-6 klst.
Tungumál: Spænska
Gjaldmiðill: Evra

Sumarhiti: 28+°C
Vetrarhiti: 18+°C
Milt og gott vor og haust
Tími: +1 sumar, sami vetur
Landkóði: +34

Draumaeyjan í Atlantshafi

Á Gran Canaria njóta börnin sín í botn undir mildri sólinni en veðurfar er jafnt á eynni nánast allt árið um kring. Því er hægt að svamla í sundlauginni í janúar jafnt og í júlí. Gran Canaria er þriðja stærsta í eyjan í Kanarí-eyjaklasanum og hefur um áratuga skeið verið lang vinsælasti áfangastaður sólþyrstra Íslendinga á faraldsfæti. Það er ekki að ástæðulausu að eyjan er einn vinsælasti áfangastaðurinn okkar, heldur er það vegna þess að þar finna allir eitthvað við sitt hæfi. Hvort sem þú vilt busla í sundlauginni með krökkunum í fjörugum leik, slaka á á sundlaugarbakkanum, fara á ströndina eða á mini-diskó, það er allt hægt á Kanarí.

Hagstætt verðlag og verslun

Kanarí er stundum líkt við fríhöfn þar sem verðlag er fremur hagstætt, sérstaklega á merkjavöru af öllu tagi og hvers konar skarti. Þar er til dæmis hagsætt að versla úr, skartgripi, myndavélar, hljómtæki og rafmagnsvörur. Þar er líka að finna ótal götusala sem selja allt það glingur sem hugurinn girnist. Reglulega eru settir upp götumarkaðir þar sem hægt er að grafa fram ýmislegt glingur og gersemar. Á mörkuðum og hjá götusölum er um að gera að prútta um verðið, enda viðtekin venja og besta skemmtun.

Suðræn stemning ræður ríkjum á Kanarí og eru dagarnir tilvaldir í hverskyns letilíf. En þegar rökkva tekur lifna skemmtistaðir og diskótek við þar sem dansað er inn í nóttina. Einnig má finna ótal krár og bari þar sem gaman er að setjast inn á kvöldin með einn kaldan og horfa á Elvis Presley eða Dolly Parton öðlast nýtt líf. Fjölda frábærra veitingahúsa er líka að finna á Kanarí þar sem allir í fjölskyldunni finna eitthvað við sitt hæfi. Hagstætt verðlag er á eynni og matur og drykkur því á góðu verði.

Við bjóðum upp á spennandi gistimöguleika þannig að allir ættu að geta fundið hótelherbergi eða íbúðir sem henta. Skapaðu minningar með okkur á Kanarí, fjölskyldan sér ekki eftir því. Krakkaklúbbarnir á Kanarí eru frábærir!

Fjölbreyttir gistimöguleikar

Á daginn ræður suðræn stemning ríkjum á Kanarí sem er tilvalið í hverskyns letilíf en á næturnar má finna iðandi næturlíf. Þar er að finna ótal krár og bari og óviðjafnanlegt er að sitja á kvöldin með einn kaldan og horfa á Elvis Presley eða Dolly Parton fá nýtt líf og skemmta allri fjölskyldunni. Fjölda frábærra veitingahúsa er líka að finna á Kanarí þar sem allir í fjölskyldunni finna eitthvað við sitt hæfi.

Hagstætt verðlag er á eynni og matur og drykkur því á góðu verði. Við bjóðum upp á spennandi gistimöguleika þannig allir ættu að geta fundið herbergi, íbúðir eða hús sem henta hverjum og einum. Fjölskyldan ætti því ekki að sjá eftir ferð til Kanarí.

Enska ströndin

Flestir hafa heyrt um Ensku ströndina á Kanaríeyjum, eða Playa de Ingles sem Íslendingar hafa sótt í fjölda ára. Nafnið á bæði við um ströndina og bæinn sjálfan. Ströndin teygir sig til San Augustin í austri og Maspalomas í vestri. Þar er fjörugasta mannlífið, fjöldi góðra gististaða, þjónusta og skemmtun í göngufjarlægð. Þar er líka að finna stærstu verslunarmiðstöðvar eyjunnar: Yumbo, Cita og Kasbah með fjölda verslana, veitinga- og skemmtistaða. En Yumbo verslunarmiðstöðin lifnar við þegar fer að myrkva og þangað sækja ótal skemmtanaþyrstir ferðalangar og fá sér einn írskan bjór eða litríkan kokteil. Góð aðstaða til gönguferða og hlaup eru við vitann í Maspalomas. Enska ströndin hentar vel fyrir fjölskyldur og pör sem vilja njóta líflegrar stemningar í sólarfríinu og hyggjast halda sig þar sem alltaf er líf og fjör.

Maspalomas

Maspalomas ströndin er rólegri, þar er umhverfið töfrandi með fögrum görðum og rólegri stemningu. Þar er mesta úrvalið af smáhýsum og hinn þekkti Faro viti sem lengi hefur verið táknmynd Kanaríeyja. Þar er að finna verslunarmiðstöðina Faro II, 18 holu golfvöll og vatnsrennibrautargarð. Í Maspalomas er líka fjöldi fyrsta flokks veitingahúsa og fjölbreytt mannlífið heillar jafnt að nóttu sem degi.

Las Palmas - Höfuðborg Gran Canaria

Las Palmas er höfuðborg Gran Canaria og um leið Austurhéraðs Kanaríeyja. Í Las Palmas býr um helmingur allra íbúa Austurhéraðs. Í borginni er fjölbreytilegt menningar- og mannlíf jafnt að nóttu sem degi, sérstaklega í gamla borgarhlutanum. Kaffihús eru þar á hverju strái, sem og einstök flóra veitingastaða og öldurhúsa þar sem allir finna eitthvað við sitt hæfi. Við mælum sérstaklega með dagsferð til þessarar skemmtilegu, líflegu borgar þar sem gaman er að skoða mannlífið, smakka alvöru spænskan mat og njóta lífsins.

Puerto Rico - smábátahöfn

Puerto Rico er afar sjarmerandi og fallegur bær á suðvesturhluta eyjunnar Gran Canaria. Bærinn hefur byggst að mestu leyti upp í kringum smábáthafnirnar en í dag eru þær tvær og við aðra þeirra er að finna ströndina Playa de Puerto Rico. Þar eru fallegir veitingastaðir við sjóinn og góð sólbaðsaðstaða við himinblátt hafið. Bærinn hefur byggst upp í kringum tvær víkur eða tvo dali og rísa hæðirnar í kring tignarlegar yfir svæðið.

Í dalbotninum er að finna skemmtilegt svæði með verslunum, verslunarmiðstöðum, veitingastöðum og leiksvæðið „Angry Bird´s“ sem hentar vel fyrir ungu kynslóðina. Rétt utan við bæinn er svo hin nýja og fagra strönd Playa de Amadores þar sem hægt er að sóla sig allan daginn á hvítum sandi. Fagurblár sjór, veitingastaðir og verslanir eru við ströndina og einnig Amadores Beach Club sem býður uppá bekki og veitingar í fallegu umhverfi. Puerto Rico státar af einu besta loftslagi sem fyrir finnst á öllum Kanaríeyjunum, allt árið um kring. Við mælum sérstaklega með því að fólk leigi sér bíl og keyri meðfram strandlengjunni eða taki stræisvagnana sem ganga á milli allra bæjanna á suðurhlutanum, því stutt er yfir til Puerti Mogan og Playa del Ingles svæðanna.

Við erum með 5 ólíkar gistingar í boði á þessu skemmtilega svæði. Við smábátahöfnina er að finna ótrúlega falleg íbúðarhótel sem hafa allt til alls og henta fólki sem kýs meiri „lúxus“ og vill vera miðsvæðis.

Fyrir þá sem þora og geta erum við einnig með gistingar í hlíðunum fyrir ofan svæðið en þaðan er ótrúlega fallegt útsýni yfir bæinn, smábátahöfnina og Atlantshafið. Þessar gistingar henta ekki þeim sem eiga erfitt með gang. Til að komast niður í bæinn er hægt að taka leigubíl, ferðin tekur ca. 5 mínútur og kostar um 5 evrur hvor leið.

Puerto de Mogan - „Litlu Feneyjar“

Einn af fallegustu bæjum eyjunnar er Puerto de Mogan, sem er staðsett á suðvesturhluta Gran Canaria. Puerto de Mogan er stundum kallað litlu Feneyjar sem er nafn með rentu þar sem hafnarsvæðið er allt byggt upp í kringum lítil síki með fallegum veitingastöðum og skemmtilegum gönguleiðum milli húsa. Þessi einstaki hafnarbær býr yfir ótrúlega fallegu og róandi andrúmslofti sem fær mann algjörlega til þess að slaka á, njóta og hvílast. Falleg strönd er við höfnina með veitingastöðum og börum og þar fyrir ofan eru verslanir og útivistarsvæði.

Gistingarnar okkar á svæðinu eru glæsilegar og hannaðar til að gefa fólki tækifæri á að slaka á og njóta hverrar sekúndu í fallegum vistarverum og görðum sem umlykja hótelin. Þetta svæði hentar öllum, sem vilja lúxus og endurnæringu á líkama og sál.

Gistingar á Kanarí / Gran Canaria

Glæsilegt 5 stjörnu hótel á verði sem kemur skemmtilega á óvart. Frábær kostur fyrir þá sem vilja gera vel við sig.

Gran Canaria: staður fyrir alla í fjölskyldunni

Gistingar á Kanarí / Gran Canaria

Sumarferðir

Fylgdu okkur

Ýmislegt